കോട്ടയം:ഇതരസംസ്ഥാന തൊഴിലാളികളുടെ ഇടയില്‍ ലഹരിവിരുദ്ധ സന്ദേശവും സര്‍ക്കാരിന്റെ വെല്‍ഫെയര്‍ സ്‌കീംമില്‍ രജിസ്‌ട്രേഷന്‍ നടത്തുന്നതിനുള്ള ബോധവല്‍ക്കരണത്തിനും സംഘടിപ്പിച്ച ജില്ലാതല ജാഥ കേരള മൈഗ്രന്റ് വര്‍ക്കേഴ്‌സ് യൂനിയന്‍(എ.ഐ.ടി.യു.സി) നേത്യത്വത്തില്‍ ജില്ലയില്‍ പര്യടനം നടത്തി.
രാവിലെ ഏറ്റുമാനൂര്‍ പേരൂര്‍ ജങ്ഷനിന്‍ നിന്നും ഡോ. ബിജു കൈപ്പാറേടന്‍ ക്യാപ്റ്റനായും പി.കെ ചന്ദ്രശേഖരന്‍ ഡയറക്ടറായും അനീഷ് കുമാര്‍ ഓര്‍ഗനൈസറുമായുള്ള ജാഥ എ.ഐ.ടി.യു.സി സംസ്ഥാന വര്‍ക്കിങ് കമ്മറ്റിയംഗം അഡ്വ. ബിനു ബോസ് ഉദ്ഘാടനം ചെയ്തു.
യോഗത്തില്‍ സി.പി.ഐ ജില്ലാകമ്മറ്റിയംഗം എം.വി ജനാര്‍ദ്ദനന്‍,എ.ഐ.വൈ.എഫ് ജില്ലാ എക്‌സിക്യൂട്ടീവ് അംഗം എന്‍.ഡി ഷാജിമോന്‍ എന്നിവര്‍ സംസാരിച്ചു.
ജാഥ ഏറ്റുമാനൂര്‍,മെഡിക്കല്‍ കോളജ്,കുറവിലങ്ങാട്,കടുത്തുരുത്തി,ഉഴവൂര്‍,കോട്ടയം,ചങ്ങനാശ്ശേരി എന്നിവിടങ്ങളില്‍ പര്യടനം നടത്തി പായിപ്പാട് അവസാനിച്ചു.