മലപ്പുറം: പൂക്കോട്ടൂര്‍ ഹജ്ജ് ക്യാംപിന്റെ രജിസ്‌ട്രേഷന്‍ ആരംഭിച്ചു. ഏപ്രില്‍ 27, 28 തിയതികളില്‍ പി.കെ.എം.ഐ.സി കാംപസില്‍ നടക്കുന്ന ക്യാംപിന് എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ നേതൃത്വം നല്‍കും.
രണ്ടു ദിവസത്തെ ക്യാംപില്‍ ഭക്ഷണ-താമസ സൗകര്യം തികച്ചും സൗജന്യമാണ്. താമസ സൗകര്യം ആവശ്യമുള്ളവര്‍ രജിസ്റ്റര്‍ ചെയ്യേണ്ടതാണ്. രജിസ്‌ട്രേഷനും വിശദവിവരങ്ങള്‍ക്കും 0483 2771819, 9946106061, 9746156805, 9446883001 എന്നീ നമ്പറുകളില്‍ ബന്ധപ്പെടുക.
ക്യാംപ് സംബന്ധിച്ച് കൂടിയാലോചനാ യോഗത്തില്‍ സ്വാഗതസംഘം ചെയര്‍മാന്‍ കെ. മുഹമ്മദുണ്ണി ഹാജി അധ്യക്ഷനായി. അബ്ദുസമദ് പൂക്കോട്ടൂര്‍ ഉദ്ഘാടനം ചെയ്തു.