ഇരിട്ടി (കണ്ണൂര്‍): ആറളംഫാമില്‍ തൊണ്ണൂറുകാരിയായ ആദിവാസി വയോധികയെ പീഡിപ്പിച്ച സംഭവത്തില്‍ 45കാരനെ അറസ്റ്റുചെയ്തു. ആറളംഫാം ആദിവാസി പുനരധിവാസ മേഖലയിലെ പതിനൊന്നാം ബ്ലോക്കില്‍ താമസിക്കുന്ന വയോധികയെ പീഡിപ്പിച്ചെന്ന പരാതിയില്‍ കീഴ്പള്ളി വട്ടപ്പറമ്പിലെ പുരയിടത്തില്‍ ബെന്നി (45) ആണ് അറസ്റ്റിലായത്. വയോധികയെ പ്രതി കഴിഞ്ഞ മാര്‍ച്ച് നാലിനു പീഡിപ്പിച്ചുവെന്നാണു കേസ്.
അവശത അനുഭവപ്പെട്ട വയോധികയെ ആദ്യം ഇരിട്ടി താലൂക്ക് ആശുപത്രിയിലും പിന്നീടു തലശ്ശേരി ജനറല്‍ ആശുപത്രിയിലും പ്രവേശിപ്പിക്കുകയായിരുന്നു. പരാതിയെ തുടര്‍ന്നു നടത്തിയ അന്വേഷണത്തിനൊടുവില്‍ ഇന്നലെ ഡിവൈ.എസ്.പി സാജു കെ. ഏബ്രഹാമിന്റെ നേതൃത്വത്തിലുള്ള പൊലിസ് സംഘമാണു പ്രതിയെ അറസ്റ്റുചെയ്തത്.