കൊയിലാണ്ടി: ചേമഞ്ചേരി കൊളക്കാട് ശംസുല്‍ ഹുദാ ഹിഫ്‌ളുല്‍ ഖുര്‍ആന്‍ അക്കാദമി മൂന്നാം വാര്‍ഷികവും ഒന്നാം സനദ്ദാന സമ്മേളനവും 15, 16, 17 തിയതികളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
അക്കാദമിക്ക് പുതുതായി നിര്‍മിച്ച കെട്ടിടത്തിന്റെ ഉദ്ഘാടനം പാണക്കാട് മുനവ്വറലി ശിഹാബ് തങ്ങള്‍ നിര്‍വഹിക്കും. വാര്‍ഷികത്തിന്റെ ഭാഗമായി ശരീഅത്ത് കോളജിന്റെ ഉദ്ഘാടനവും നടക്കും. 15ന് കുടുംബസംഗമവും 16ന് നവാസ് മന്നാനി പനവൂരിന്റെ പ്രഭാഷണവും നടക്കും. വാര്‍ത്താ സമ്മേളനത്തില്‍ ഹാഫിള് ശെഫീഖ് അല്‍ ഖാസിമി, ആലിക്കോയ പനന്തോടി, വി.കെ അബ്ദുല്ല, സി. ആലി, ആരിഫ് കൊയിലാണ്ടി പങ്കെടുത്തു.