തുറവൂര്‍: കുത്തിയതോട് പഞ്ചായത്തില്‍ പട്ടികജാതി വിഭാഗത്തിന് വാട്ടര്‍ ടാങ്കുകളും മത്സ്യത്തൊഴിലാളികളുടെ കുട്ടികള്‍ക്ക് പഠന സഹായ ഉപകരണങ്ങളും വിതരണം ചെയ്തു.
500 ലിറ്റര്‍ സംഭരണ ശേഷിയുള്ള വാട്ടര്‍ ടാങ്ക് 35 പേര്‍ക്ക് നല്‍കി. മത്സ്യത്തൊഴിലാളികളുടെ 26 കുട്ടികള്‍ക്കും പട്ടികജാതിക്കാരുടെ 34 കുട്ടികള്‍ക്കുമാണ് സഹായ ഉപകരണങ്ങള്‍ വിതരണം ചെയ്തത്. 3 ,30,000 രൂപയാണ് ആകെ പദ്ധതി തുക.വി തരണോദ്ഘാടനം കുത്തിയതോട് പഞ്ചായത്ത് പ്രസിഡന്റ് പ്രേമരാജപ്പന്‍ നിര്‍വഹിച്ചു. പഞ്ചായത്ത് വൈസ് പ്രസിഡന്റ് മേരി ജോസി, വികസന കാര്യസമിതി ചെയര്‍മാന്‍ കെ.ധനേഷ് കുമാര്‍, പഞ്ചായത്തംഗങ്ങളായ കെ.കെ.സജീവന്‍, ഫ്രാന്‍സിസ് ഓബിന്‍, ലൈല വേണുഗോപാല്‍, വത്സല, ഗീത ഷാജി എന്നിവര്‍ പ്രസംഗിച്ചു.