ആലപ്പുഴ: കുട്ടികള്‍ക്കും മുതിര്‍ന്നവര്‍ക്കും ഒഴിവുകാലം ആസ്വാദ്യകരമാക്കാന്‍ പത്തോളം പുതിയ റൈഡുകളുമായി അമേസ് വേള്‍ഡ് ഒരുങ്ങി.
ഡി.ടി.പി.സിയുടെ കീഴില്‍ പ്രവര്‍ത്തിക്കുന്ന കടപ്പുറത്തെ വിജയ് പാര്‍ക്കിലാണ് പുത്തന്‍ റൈഡുകള്‍ ഒരുക്കിയിട്ടുളളത്. ഗെയിമുകളുടെ രാജാവായ ഡാഷിംഗ് കാര്‍, സോണി പ്ലേ സ്റ്റേഷന്‍ തുടങ്ങിയ നൂതന ഗെയിമുകളും ഉള്‍ക്കൊളളിച്ചിട്ടുണ്ട്. നിലവിലുളള 54 റൈഡുകള്‍ക്ക് പുറമേയാണിത്.കൂടാതെ മാജിക് പഠന കളരിയും ഒരുക്കിയിട്ടുണ്ട്.
16ന് വൈകിട്ട് നാലിന് നടക്കുന്ന സമ്മേളനത്തില്‍ പൊതുമരാമത്ത് മന്ത്രി ജി സുധാകരന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ മാനേജിംഗ് പാര്‍ട്ടണര്‍മാരായ ശങ്കര്‍ സുബ്രമണ്യന്‍, ശക്തിധര്‍, വി.ആര്‍ ബ്രഹ്മ തുടങ്ങിയവര്‍ പങ്കെടുത്തു.