മാള: മാള ബ്ലോക്ക് പഞ്ചായത്ത് കോപൗണ്ടില്‍ നിര്‍മാണം പൂര്‍ത്തീകരിച്ചിട്ടുള്ള വനിതാ വ്യവസായ കേന്ദ്രം, ആളൂരിലെ വനിതാ വ്യവസായ കേന്ദ്രം (പട്ടികജാതി വിഭാഗത്തിന്) എന്നിവിടങ്ങളില്‍ വ്യവസായ സംരംഭം ആരംഭിക്കുന്നതിന് അപേക്ഷ ക്ഷണിച്ചു. ബ്ലോക്ക് പരിധിയിലെ ഗ്രാമപഞ്ചായത്തുകളില്‍ നിലവില്‍ പ്രവര്‍ത്തിക്കുന്ന സ്വയം സഹായസംഘങ്ങള്‍ക്കാണ് യോഗ്യത. വെള്ള കടലാസില്‍ തയ്യാറാക്കിയ അപേക്ഷ ഈമാസം 25 നകം ബ്ലോക്ക് പഞ്ചായത്ത് സെക്രട്ടറിക്ക് സമര്‍പ്പിക്കണം. കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ ബ്ലോക്ക് പഞ്ചായത്ത് ഓഫിസുമായി ബന്ധപ്പെടുക. ഫോണ്‍ നമ്പര്‍ 0480 2890398. അര്‍ഹതയുള്ള ഗുണഭോക്തൃ ഗ്രൂപ്പുകള്‍ ഇല്ലാത്തപക്ഷം വ്യവസായ സംരംഭങ്ങള്‍ക്കായി വ്യക്തികളുടെ അപേക്ഷകളും പരിഗണിക്കുന്നതാണെന്ന് സെക്രട്ടറി അറിയിച്ചു.