നീലേശ്വരം: പകര്‍പ്പവകാശമില്ലാതെ പുതിയ സിനിമകള്‍ ഡൗണ്‍ലോഡ് ചെയ്തു വില്‍പന നടത്തിയ കേസില്‍ യുവാവ് അറസ്റ്റില്‍. നീലേശ്വരം ബസ് സ്റ്റാന്‍ഡ് കെട്ടിടത്തില്‍ മൊബൈല്‍ കട നടത്തുന്ന കണ്ണൂര്‍ ഉളിക്കലിലെ ലിജോ അബ്രഹാമാ(24) ആണ് അറസ്റ്റിലായത്. പുതിയ സിനിമകള്‍ ഡൗണ്‍ലോഡ് ചെയ്ത് ചിപ്പുകളിലും പെന്‍ഡ്രൈവുകളിലും കയറ്റി നല്‍കുന്നതായി ആന്റി പൈറസി സ്‌ക്വാഡിനു ലഭിച്ച വിവരത്തിന്റെ അടിസ്ഥാനത്തിലായിരുന്നു പരിശോധന.
ഒപ്പം, പുലിമുരുകന്‍ തുടങ്ങിയ സിനിമകള്‍ പിടിച്ചെടുത്ത കംപ്യൂട്ടറില്‍ ഉണ്ടായിരുന്നു. സ്‌ക്വാഡിനോടൊപ്പം നീലേശ്വരം എസ്.ഐ പി.വി രാജശേഖരനും പരിശോധനയില്‍ പങ്കെടുത്തു. പ്രതിയെ ഹൊസ്ദുര്‍ഗ് കോടതിയില്‍ ഹാജരാക്കി റിമാന്റ് ചെയ്തു.