വളാഞ്ചേരി : എടയൂര്‍ മണ്ണത്തുപ്പറമ്പ് കെ.എം.സി.സി ത്വയ്ബ  ചാരിറ്റിയുടെ നേതൃത്വത്തില്‍ ഇ. അഹമ്മദ് സ്മാരക സൗജന്യ കുടിവെള്ള വിതരണം ഒരു മാസം പിന്നിടുന്നു. എടയൂര്‍ പഞ്ചായത്തിലെ മൂന്ന്, നാല്, അഞ്ച് വാര്‍ഡുകളിലെ 300 ഓളം കുടുംബങ്ങള്‍ക്കാണ് സൗജന്യ കുടിവെള്ള വിതരണം നടത്തുന്നത്.
 മാര്‍ച്ച് അഞ്ചിന് കെ.കെ ആബിദ് ഹുസൈന്‍ തങ്ങള്‍ എം.എ.എയാണ് പദ്ധതി ഉദ്ഘാടനം ചെയ്തത്. സി. മൊയ്തീന്‍ എന്ന വാപ്പൂട്ടി, ഷെരീഫ് മുളക്കല്‍, അലി, മുളക്കല്‍ അബൂബക്കര്‍, അബ്ബാസ്, മുളക്കല്‍ ബഷീര്‍, അഷറഫ്, കെ.ടി അബ്ദുള്‍ മജിദ്, കെ.കെ ജബ്ബാര്‍ നേതൃത്വം നല്‍കുന്നു.