തലശ്ശേരി: മഞ്ഞോടിയില്‍ നിര്‍ത്തിയിട്ട ഓട്ടോറിക്ഷ കത്തി നശിച്ചു. ഇന്നലെ കാലത്ത് 9.30 ഓടെയാണ് സംഭവം.
മഞ്ഞോടി ഇന്ദിരാഗാന്ധി സഹകരണ  ആശുപത്രിക്കു മുന്‍വശത്തെ സ്വകാര്യ പാര്‍ക്കിങ് ഏരിയയില്‍ പാര്‍ക്കിങ് ഫീസടച്ച് നിര്‍ത്തിയിട്ടിരുന്ന കെ.എല്‍ 58 എഫ് 582 നമ്പര്‍ ആല്‍ഫ ഓട്ടോയാണ് കത്തിനശിച്ചത്.  പാര്‍ക്കിങ് ഏരിയയില്‍ വിവിധ ഭാഗങ്ങളിലായി  മാലിന്യങ്ങള്‍ക്ക് തീയിട്ടിരുന്നു. ഇവിടെനിന്നുള്ള തീ പടര്‍ന്നുപിടിച്ചതായിരിക്കുമെന്നാണ് പ്രാഥമിക നിഗമനം. സമീപത്ത് നിര്‍ത്തിയിട്ടിരുന്ന മാരുതി സെന്‍ കാറിനും തീ പടര്‍ന്നിരുന്നു. കാറിന് ഭാഗികമായി കേടുപാടുകള്‍ സംഭവിച്ചു. തീ പിടിച്ച ഓട്ടോ സ്റ്റാര്‍ട്ടായി മുന്നോട്ട് നീങ്ങിയതായും ദൃക്‌സാക്ഷികള്‍ പറഞ്ഞു.തലശ്ശേരി അഗ്നിശമന സേന സ്ഥലത്തെത്തി തീയണച്ചു. കോളയാട് ചേരിക്കലിലെ മേഗിലിന്റെ ഉടമസ്ഥതയിലുള്ളതാണ് കത്തിയ ഓട്ടോ.