പഴയങ്ങാടി: നട്ടുച്ചക്ക് നാടിനെ നടുക്കിയ അല്‍ ഫത്തി ബിജ്വല്ലറി കേസിലെ പ്രതികളെ പിടികൂടിയ അന്വേഷണ സംഘത്തിന് പഴയങ്ങാടിയുടെ ബിഗ് സല്യൂട്ട്.
ഇന്നലെ വൈകിട്ട് പഴയങ്ങാടിയില്‍ നിന്ന് വാദ്യഘോഷങ്ങളുടെ അകംപടിയോടെ അന്വേഷണ സംഘത്തിന് നേതൃത്വം നല്‍കിയ തളിപ്പറമ്പ ഡിവൈ.എസ്.പി കെ.വി വേണുഗോപാല്‍, പഴയങ്ങാടി എസ്.ഐ ബിനു മോഹന്‍ എന്നിവരെയും അന്വേഷണ സംഘത്തിലെ പൊലീസുകാരെയും സ്വീകരിച്ചാനയിച്ചു. മാടായി പഞ്ചായത്ത് ഓഡിറ്റോറിയത്തില്‍ നടന്ന ആദരിക്കല്‍ ചടങ്ങ് ടി.വി രാജേഷ് എം.എല്‍.എ ഉദ്ഘാടനം ചെയ്തു. മാടായി പഞ്ചായത്ത് പ്രസിഡന്റ് എസ്.കെ ആബിദ അധ്യക്ഷയായി. തളിപ്പറമ്പ ഡിവൈ.എസ്.പി കെ.വി വേണുഗോപാല്‍, പഴയങ്ങാടി എസ്.ഐ ബിനു മോഹന്‍ എന്നിവര്‍ മറുപടി പ്രസംഗം നടത്തി. ചടങ്ങില്‍ മാധ്യമ പ്രവര്‍ത്തകരെയും ആദരിചു. ഏഴോം പഞ്ചായത്ത് പ്രസിഡന്റ് വിമല, ആര്‍.അജിത, പി.പി.ദാമോദരന്‍, എം.പി ഉണ്ണികൃഷ്ണന്‍, കെ. പത്മനാഭന്‍, കെ.വി രാമചന്ദ്രന്‍, വി വിനോദ്, മഹമൂദ് വാടിക്കല്‍, പവിത്രന്‍ കഞ്ഞിമംഗലം സംസാരിച്ചു