കൊല്‍ക്കത്ത: കൊല്‍ക്കത്തയുടെ കരുത്തുറ്റ നായകന്‍ ഗൗതം ഗംഭീറിന്റെ ഗംഭീര പ്രകടനത്തില്‍ കിങ്‌സ് ഇലവന്‍ പഞ്ചാബിനെതിരേ കൊല്‍ക്കത്ത നൈറ്റ് റൈഡേഴ്‌സിന് എട്ടുവിക്കറ്റിന്റെ മികച്ച വിജയം. 16.3 ഓവറിലാണ് ചെറിയ വിജയലക്ഷ്യം കൊല്‍ക്കത്ത അനായാസേന മറികടന്നത്.

171 റണ്‍സ് വിജയ ലക്ഷ്യവുമായി ബാറ്റിങ്ങിനിറങ്ങിയ കൊല്‍ക്കത്തക്കുവേണ്ടി അര്‍ധസെഞ്ച്വറിയുമായി പുറത്താകാതെ ഗൗതം ഗംഭീറും(49 പന്തില്‍ 72) മനീഷ് പണ്ഡ്യയും(16 പന്തില്‍ 25) ചേര്‍ന്ന് വിജയം കൈപ്പിടിയിലൊതുക്കുകയായിരുന്നു.

പഞ്ചാബിനു വേണ്ടി ഹാഷിം അംലയും (25), മനാന്‍ വോറയും (28) ഗ്ലെന്‍ മാക്‌സ്‌വെല്‍ (14 പന്തില്‍ 25), ഡേവിഡ് മില്ലര്‍ (19 പന്തില്‍ 28),വൃദ്ധിമാന്‍ സാഹ (17പന്തില്‍ 25) എന്നിവര്‍ മുന്നേറ്റം നടത്തിയെങ്കിലും ഫലമുണ്ടായില്ല.