ന്യൂഡല്‍ഹി: പാതാള്‍ ലോക് വെബ് സീരീസ് വിവാദം പുതിയ തലത്തിലേക്ക്. വെബ്‌സീരിസിന്റെ നിര്‍മാതാവും നടിയുമായ അനുഷ്‌കാ ശര്‍മയുമായുള്ള ബന്ധം ഇന്ത്യന്‍ ക്രിക്കറ്റ് ക്യാപ്റ്റന്‍ കോഹ്‌ലി വേര്‍പ്പെടുത്തണമെന്ന വിചിത്ര ആവശ്യവുമായി ബി.ജെ.പി. എം.എല്‍.എ നന്ദകിഷോര്‍ ഗുര്‍ജര്‍.

നേരത്തെ വെബ്‌സീരിസില്‍ അനുമതിയില്ലാതെ തന്റെ ചിത്രം ഉപയോഗിച്ചുവെന്നാരോപിച്ച് നന്ദകിഷോര്‍ അനുഷ്‌ക ശര്‍മയ്‌ക്കെതിരേ പൊലിസില്‍ പരാതി നല്‍കിയിരുന്നു.

ഇന്ത്യന്‍ ക്യാപ്റ്റന്‍ വിരാട് കോഹ്‌ലി അനുഷ്‌കയുമായുള്ള ബന്ധം വേര്‍പ്പെടുത്തണമെന്നും ആരുംതന്നെ രാജ്യത്തെക്കാള്‍ വലുതല്ലെന്നും ഒരു ദേശീയ മാധ്യമത്തോട് സംസാരിക്കുന്നതിനിടെ എം.എല്‍.എ പറഞ്ഞു. അതേസമയം വിഷയത്തില്‍ പ്രതികരണവുമായി അനുഷ്‌കയോ കോഹ്‌ലിയോ രംഗത്തെത്തിയിട്ടില്ല.