ഷാര്‍ജ: ഷാര്‍ജയില്‍ മലയാളികള്‍ താമസിക്കുന്ന ഫഌറ്റിലുണ്ടായ തീപിടുത്തത്തില്‍ രണ്ടു പേര്‍ മരിച്ചു. മലയാളി ഉള്‍പ്പെടെ രണ്ടു മരണം. അല്‍ അറൂബാ സ്ട്രീറ്റില്‍ 16 നില കെട്ടിടത്തിനാണ് തീപിടിച്ചത്. ഇന്നലെ അര്‍ധ രാത്രിയായിരുന്നു സംഭവം.

കെട്ടിടത്തിന്റെ താഴെ പ്രവര്‍ത്തിക്കുന്ന സൂപ്പര്‍ മാര്‍ക്കറ്റിലെ ജീവനക്കാരാണ് മരിച്ചതെന്നാണ് റിപ്പോര്‍ട്ടുകള്‍. മരിച്ചവരില്‍ ഒരാള്‍ മലപ്പുറം സ്വദേശിയാണ്. മറ്റേയാള്‍ ബംഗ്‌ളാദേശിയാണെന്നും സംശയമുണ്ട്. നിരവധി പേര്‍ക്ക് പൊള്ളലേറ്റിട്ടുണ്ട്.

സൂപ്പര്‍ മാര്‍ക്കറ്റ് ഉള്‍പ്പെടെ ഫഌറ്റിന്റെ രണ്ടു നില പൂര്‍ണമായും കത്തി നശിച്ചിട്ടുണ്ട്. ഷോര്‍ട്ട് സര്‍ക്യൂട്ടാണ് അപകട കാരണമെന്ന് കരുതുന്നു. ഷാര്‍ജ ദുരന്ത നിവാരണ സേനയുടെ സമയോജിത ഇടപെടലാണ് കൂടുതല്‍ അപകടം ഒഴിവാക്കിയത്. ഹെലികോപ്റ്റര്‍ വഴിയാണ് താമസക്കാരെ ഒഴിപ്പിച്ചത്. അടുത്ത കെട്ടിടങ്ങളില്‍ നിന്നും ആളുകളെ നീക്കി.