പട്ടിക്കാട്: ഓഗസ്റ്റ് ഒന്നിനു മംഗലാപുരത്തു നടക്കുന്ന ശിഹാബ് തങ്ങള്‍ നാഷണല്‍ മിഷന്‍ പരിപാടിയുടെ പ്രഖ്യാപന സമ്മേളനവും സംഘാടകസമിതി രൂപീകരണവും നാളെ ഉച്ചക്ക് രണ്ടിനു മംഗലാപുരം ഹമ്പണക്കട്ടയിലുള്ള ഹോട്ടല്‍ നാലപ്പാട്ട് റസിഡന്‍സിയില്‍ നടക്കും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. പട്ടിക്കാട് ജാമിഅഃ നൂരിയ്യയ്ക്കു കീഴിലെ പദ്ധതിയില്‍ രാജ്യത്തെ മുസ്‌ലിം പിന്നോക്ക ജനവിഭാഗങ്ങളുടെ വിദ്യാഭ്യാസ പുരോഗതി ലക്ഷ്യമാക്കിയുള്ള പരിപാടികളാണ് നടപ്പാക്കുക. വിവിധ സംസ്ഥാനങ്ങളിലെ പിന്നോക്ക ഗ്രാമങ്ങളില്‍നിന്നു തെരഞ്ഞെടുക്കപ്പെടുന്ന വിദ്യാര്‍ഥികള്‍ക്കു സ്‌കോളര്‍ഷിപ്പ് സംവിധാനവുമേര്‍പ്പെടുത്തും.