കോഴിക്കോട്: മലയാള സാഹിത്യത്തിന് പുതിയ തലങ്ങള്‍ ആവിഷ്‌കരിക്കുന്ന സാഹചര്യമാണ് നിലവിലുള്ളതെന്ന് സാഹിത്യകാരന്‍ ടി. പത്മനാഭന്‍.
സരോവരം ബയോപാര്‍ക്കിന് സമീപം നടക്കുന്ന ഒലിവ് ബിബിലിയോ മലബാര്‍ കാര്‍ണിവലില്‍ പി.കെ പാറക്കടവിന്റെ 'അമ്പലം പള്ളി സ്ത്രീ' പുസ്തകം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
ലോകത്തെല്ലായിടത്തും ചെറുകഥകള്‍ എഴുതപ്പെടുന്നുണ്ട്. അവയില്‍ നിന്നെല്ലാം വ്യത്യസ്തമാണ് കൊച്ചുകഥകളുടെ തമ്പുരാന്‍ എന്ന് വിശേഷിപ്പിക്കുന്ന പി.കെ പാറക്കടവിന്റെ രചനകള്‍ ഓര്‍ക്കുന്തോറും പുതിയ പുതിയ സത്യങ്ങളും സൗന്ദര്യവും കാണിച്ചു തരുന്ന തരത്തില്‍ ആലോചാനാമൃതപരമായ കഥകളാണ് പാറക്കടവിന്റെതെന്നും അദ്ദേഹം കൂട്ടിച്ചേര്‍ത്തു.
ഡോ.എം.കെ മുനീര്‍ അധ്യക്ഷനായി. ഡോ. ഖദീജ മുംതാസ് ആദ്യ കോപ്പി ഏറ്റുവാങ്ങി. വി.എച്ച് നിഷാദ്, വി. സുെൈബര്‍ സംസാരിച്ചു. പി.കെ പാറക്കടവ് മറുപടി പ്രസംഗം നടത്തി.