കണ്ണൂര്‍: കേരളത്തില്‍ നിന്നു നാടുവിട്ടവരുടേത് യഥാര്‍ഥ ഇസ്‌ലാമിന്റെ രീതിയല്ലെന്നു എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. പരമ്പരാഗത വിശ്വാസത്തില്‍ നിന്നുള്ള വ്യതിചലനമാണ് ഇസ്‌ലാമിനെ തെറ്റിദ്ധരിക്കാന്‍ കാരണമായതെന്നും അദ്ദേഹം പറഞ്ഞു. എസ്.വൈ.എസ് സംസ്ഥാന കമ്മിറ്റിയുടെ 'സലഫിസം വിചാരണ ചെയ്യപ്പെടുന്നു'ആദര്‍ശ കാംപയിന്റെ സംസ്ഥാനതല ഉദ്ഘാടനം കണ്ണൂരില്‍ നിര്‍വഹിക്കുകയായിരുന്നു തങ്ങള്‍.
പൂക്കോയ തങ്ങള്‍ ചന്തേര അധ്യക്ഷനായി. അബ്ദുറഹ്മാന്‍ കല്ലായി, അഹമ്മദ് തേര്‍ളായി, അലവി ഫൈസി കുളപ്പറമ്പ്, എസ്.കെ ഹംസ ഹാജി, അബ്ദുസലാം ദാരിമി കിണവക്കല്‍, സിദ്ദീഖ് ഫൈസി വെണ്‍മണല്‍, ഇബ്രാഹിം ബാഖവി പൊന്ന്യം, ടി.എച്ച് ഷൗക്കത്തലി സംസാരിച്ചു.