കൊച്ചി: പ്രമാദമായ കെവിന്‍ വധക്കേസ് പ്രതി ഷാനു ചാക്കോയ്ക്ക് ജാമ്യം. ഏഴ് ദിവസത്തേക്കാണ് ഹൈക്കോടതി ജാമ്യം അനുവദിച്ചിരിക്കുന്നത്. ആരോഗ്യ പ്രശ്‌നങ്ങളുള്ള പിതാവിനെ കാണാനാണ് ജാമ്യം. നീനുവിനെ ദളിത് ക്രൈസ്തവനായ കെവിന്‍ പി ജോസഫിനെ(24) പ്രണയിച്ച് വിവാഹം കഴിച്ചതിലെ ദുരഭിമാനം കാരണമായിരുന്നു കൊലപാതകം.
2018 മെയിലാണ് കേസിനാസ്പദമായ സംഭവം നടന്നത്.ഷാനുവിനെ കൂടാതെ പിതാവ് ചാക്കോ ഉള്‍പ്പെടെ 14 പ്രതികളാണ് കെവിന്‍ വധക്കേസിലുള്ളത്. കേസില്‍ കുറ്റക്കാരെന്ന് കണ്ടെത്തിയ പത്ത് പ്രതികള്‍ക്ക് കോടതി ഇരട്ട ജീവപര്യന്തം ശിക്ഷ വിധിച്ചിരുന്നു.