പാലക്കാട്: ദീപിക പാലക്കാട് ബ്യൂറോ ചീഫ് എം.വി. വസന്തിന് ബി.ആര്‍. അംബേദ്കര്‍ നാഷണല്‍ എക്‌സലന്‍സ് അവാര്‍ഡ്. അംബേദ്കര്‍ ജയന്തി ആഘോഷ കമ്മിറ്റി ഏര്‍പ്പെടുത്തിയ അവാര്‍ഡ് വിഷുനാളില്‍ തിരുവനന്തപുരം കനകക്കുന്ന് കൊട്ടാരത്തില്‍ നടന്ന ചടങ്ങില്‍ സി.പി.ഐ സംസ്ഥാന സെക്രട്ടറി കാനം രാജേന്ദ്രനില്‍നിന്ന് ഏറ്റുവാങ്ങി.
കര്‍മമേഖലയിലെ പ്രവര്‍ത്തന മികവിനാണ് അവാര്‍ഡ്.
ദീപികയില്‍ പതിനാലു വര്‍ഷമായി ജോലി ചെയ്യുന്ന എം.വി. വസന്ത് നാഷണല്‍ ഫൗഷേന്‍ ഫോര്‍ ഇന്ത്യയുടെ ദേശീയ ഫെലോഷിപ്പ്, കേരള മീഡിയ അക്കാദമി ഫെലോഷിപ്പ്, സംസ്ഥാന വനിതാ കമ്മീഷന്‍ ഫെലോഷിപ്പ്, ബ്രെയിന്‍സ് മീഡിയ അവാര്‍ഡ്, എറണാകുളം പ്രസ് ക്ലബിന്റെ നിബ് അവാര്‍ഡ് നേടിയിട്ടണ്ട്.
ചിറ്റൂര്‍ ടെക്‌നിക്കല്‍ ഹൈസ്‌കൂളിനു സമീപം വി.എസ്.എ ഭവനത്തില്‍ സെയില്‍സ് ടാക്‌സ് റിട്ടയേഡ് അസിസ്റ്റന്റ് കമ്മീഷണര്‍ ഐ. വാസുവിന്റെയും കെ. ശാന്തകുമാരിയുടെയും മകനാണ്. ഭാര്യ: സുനന്ദ. മക്കള്‍: ശ്രീനന്ദ, ശ്രീരുദ്ര.