ചെര്‍ക്കള: ദാറുല്‍ ഫുര്‍ഖാന്‍ ഇസ്‌ലാമിക് അക്കാദമി കോളജിന്റെ ഉദ്ഘാടനം 20ന് മൂന്നിനു ചെര്‍ക്കള മുഹ്‌യുദ്ദീന്‍ ജുമാഅത്ത് പള്ളി പരിസരത്ത് കോഴിക്കോട് ഖാസി മുഹമ്മദ് ജമലുല്ലൈലി തങ്ങള്‍ ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസലിയാര്‍, ഡോ.മുഹമ്മദ് സലീം നദ്‌വി തുടങ്ങിയവര്‍ ചടങ്ങില്‍ സംബന്ധിക്കും. മുഴുവനാളുകളും പരിപാടിയില്‍ പങ്കെടുത്ത് വിജയിപ്പിക്കണമെന്നും ചെയര്‍മാന്‍ ചെര്‍ക്കളം അബ്ദുള്ള അഭ്യര്‍ഥിച്ചു.
എട്ടാം ക്ലാസ് പാസായ വിദ്യാര്‍ഥികള്‍ക്കാണ് കോളജില്‍ പ്രവേശനം. അഞ്ചു വര്‍ഷത്തെ കോഴ്‌സാണ് ആരംഭിക്കുന്നത്. ഫിഖ്ഹ്, ഹദീസ്, തഫ്‌സീര്‍, അദബ് എന്നീ ഖുര്‍ ആന്‍ പഠനവും നബിചരിത്രം, ഇസ്‌ലാമിന്റെ 15 നൂറ്റാണ്ട് ചരിത്രം എന്നിവയും പഠനവിഷയങ്ങളാണ്. കംപ്യൂട്ടര്‍ പഠനം, അറബി, ഉറുദു, ഇംഗ്ലീഷ് ഭാഷാ പഠനവും കോളജില്‍ പാഠ്യേതര വിഷയമായി ഉണ്ടാകും. കോളജ് പ്രിന്‍സിപ്പലായി ഡോ.മുഹമ്മദ് സലീം നദ്‌വിക്ക് ചുമതല നല്‍കി.