കാക്കനാട്: തൃക്കാക്കര മുന്‍സിപ്പല്‍ റെസിഡന്‍സ് അസോസിയേഷന്‍ അപെക്‌സ് കൗണ്‍സില്‍ (ട്രാക്ക്) പി.ടി തോമസ് എം.എല്‍.എക്കും നഗരസഭാ ചെയര്‍പേഴ്‌സണ്‍ കെ.കെ നീനുവിനും സ്വീകരണം നല്‍കി. ജില്ലാ പഞ്ചായത്ത് ഹാളില്‍ നടന്ന സ്വീകരണം ജസ്റ്റിസ് എം.ആര്‍ ഹരിഹരന്‍ നായര്‍  ഉദ്ഘാടനം ചെയ്തു.
 ട്രാക്ക് പ്രസിഡന്റ് എം.എസ് അനില്‍കുമാര്‍ അധ്യക്ഷതവഹിച്ചു. ജന.സെക്രട്ടറി സലിം കുന്നുംപുറം, വൈസ്. പ്രസിഡന്റ് കെ.എം അബ്ബാസ്, മുന്‍ അഡീഷണല്‍ ചീഫ് സെക്രട്ടറി കെ.കെ വിജയകുമാര്‍, ഡോ. ഹഫീസ് റഹ്മാന്‍, നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ ജിജോ ചിങ്ങംതറ തുടങ്ങിയവര്‍ സംസാരിച്ചു. ഇതോടനുബന്ധിച്ച് ട്രാക്കിന്റെ ഒരു വീട് ഒരു മരം പദ്ധതിയുടെ രണ്ടാംഘട്ടം ആര്‍ക്കിടെക്ട് എസ്. ഗോപകുമാര്‍ തൈകള്‍ ട്രഷറര്‍ പി.എം ജോസഫിന് നല്‍കി ഉദ്ഘാടനം ചെയ്തു.