കൊച്ചി: മലയാള സിനിമയുടെ നിത്യഹരിത നായകന്‍ പ്രേംനസീറിന്റെ ജീവചരിത്രം 'നിത്യഹരിതം' കവിയൂര്‍ പൊന്നമ്മയില്‍നിന്ന് ഏറ്റുവാങ്ങി താരങ്ങളായ മമ്മൂട്ടിയും മോഹന്‍ലാലും പ്രകാശനം ചെയ്തു. പ്രേംനസീര്‍ ഫൗണ്ടേഷന്‍ സംഘടിപ്പിച്ച ചടങ്ങിന്റെ ഉദ്ഘാടനം സംവിധായകന്‍ ശ്രീകുമാരന്‍ തമ്പി നിര്‍വഹിച്ചു. വരും തലമുറയ്ക്ക് പ്രേംനസീര്‍ എന്ന മഹാനടനെ മനസിലാക്കാനായി ഈ പുസ്തകം സഹായിക്കുമെന്ന് അദ്ദേഹം പറഞ്ഞു. പ്രേംനസീര്‍ ഫൗണ്ടേഷന്‍ ചെയര്‍മാനും നിര്‍മാതാവുമായ ജി. സുരേഷ് കുമാര്‍ ചടങ്ങില്‍ അധ്യക്ഷനായി. പ്രേംനസീറിന്റെ മകന്‍ ഷാനവാസ്, തലേക്കുന്നില്‍ ബഷീര്‍, കുഞ്ചാക്കോ ബോബന്‍, ഡോ. എം.കെ മുനീര്‍ എം.എല്‍.എ, സിബി മലയില്‍, കെ. വിജയകുമാര്‍ പങ്കെടുത്തു.