കോഴിക്കോട്: കാലിക്കറ്റ് സര്‍വകലാശാലയിലെ പഠന വകുപ്പിലെയും അഫിലിയേറ്റഡ് കോളേജുകള്‍,യൂണിവേഴ്‌സിറ്റി സെന്ററുകള്‍ എന്നിവിടങ്ങളിലെയും പ്രവേശനപരീക്ഷകളുള്ള ബിരുദ/ബിരുദാനന്തര ബിരുദ കോഴ്‌സുകളിലേക്ക് അപേക്ഷിക്കാം.

കാലിക്കറ്റ് സര്‍വകലാശാലയുടെ പഠന വകുപ്പുകളിലെ ബിരുദാനന്തര ബിരുദ പ്രവേശന പരീക്ഷക്കും, സ്വാശ്രയ സെന്ററുകള്‍ അഫിലിയേറ്റഡ് കോളേജുകള്‍ എന്നിവയിലെ പ്രവേശന പരീക്ഷ മുഖാന്തരം പ്രവേശനം നടത്തുന്ന ബിരുദ/ബിരുദാനന്തര ബിരുദ കോഴ്‌സുകള്‍ക്കുള്ള പ്രവേശന പരീക്ഷക്കും ഇപ്പോള്‍ ഓണ്‍ ലൈനായി അപേക്ഷ സമര്‍പ്പിക്കാം.
വിജ്ഞാപന പ്രകാരം നിശ്ചിത യോഗ്യത ഉള്ളവര്‍ക്കും ഫലം കാത്തിരിക്കുന്നവര്‍ക്കും അപേക്ഷിക്കാം.

അപേക്ഷ ഫീസ്
General Rs 350
SC/ST Rs 150

ഒന്നില്‍ കൂടുതല്‍ പ്രോഗ്രാമുകളിലേക്ക് അപേക്ഷിക്കുന്നവര്‍ ഓരോ അധിക പ്രോഗ്രാമിനും 50 രൂപ വീതം അടക്കണം.

അഫിലിയേറ്റഡ് കോളേജുകളിലെ മാനേജ്‌മെന്റ് സീറ്റ് ഉള്‍പ്പെടെ എല്ലാ വിഭാഗം സീറ്റുകളിലേക്കുള്ള പ്രവേശനം റാങ്ക് ലിസ്റ്റില്‍ നിന്നു മാത്രമായിരിക്കും നടത്തുക.

അപേക്ഷിക്കാനുള്ള അവസാന തീയതി 2019 ഏപ്രില്‍ 12??

കൂടുതല്‍ വിവരങ്ങള്‍ക്ക് സന്ദര്‍ശിക്കുക: www.cuonline.ac.in