തിരുവനന്തപുരം: തെരഞ്ഞെടുപ്പില്‍ ഹരിതചട്ടം പാലിക്കുന്നതിന് സഹായിക്കുന്ന കൈപ്പുസ്തകവുമായി ഹരിത കേരള മിഷന്‍. ഹരിതചട്ട പാലനം, സംശയങ്ങളും മറുപടികളും എന്ന പുസ്തകം മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണ പ്രകാശനം ചെയ്തു.

രാഷ്ട്രീയപാര്‍ട്ടികള്‍ക്കും പൊതുജനങ്ങള്‍ക്കും ഹരിതചട്ടപാലനം സംബന്ധിച്ച സംശങ്ങള്‍ ഒഴിവാക്കുകയെന്ന ലക്ഷ്യത്തോടെയാണ് പുസ്തകം തയാറാക്കിയിരിക്കുന്നത്. പ്രചാരണത്തിനുള്ള കൊടിതോരണങ്ങള്‍ എങ്ങനെ നിര്‍മിക്കാം, കുപ്പിവെള്ളത്തിന് പകരമെന്ത്, പ്രചാരണ വാഹനത്തില്‍ എന്തെല്ലാം ശ്രദ്ധിക്കണം, സ്വീകരണ പരിപാടികളില്‍ ഓര്‍ക്കേണ്ടത്, പ്രചാരണത്തിനിടയിലെ ഭക്ഷണകാര്യത്തില്‍ ശ്രദ്ധിക്കേണ്ടത്, തെരഞ്ഞെടുപ്പ് കഴിഞ്ഞാല്‍ ചെയ്യേണ്ടത് തുടങ്ങി തെരഞ്ഞെടുപ്പിന്റെ വിവിധ ഘട്ടങ്ങളില്‍ ശ്രദ്ധിക്കേണ്ട കാര്യങ്ങള്‍ പുസ്തകത്തില്‍ വിശദീകരിച്ചിട്ടുണ്ട്.