മാഡ്രിഡ്: സൂപ്പര്‍ താരം ലയണല്‍ മെസ്സിയുടെ ഇരട്ട ഗോള്‍ മികവില്‍ ബാഴ്‌സലോണ സ്പാനിഷ് ലാ ലിഗയില്‍ റയല്‍ സോസിഡാഡിനെതിരേ 3-2ന് വിജയം സ്വന്തമാക്കി. അടുത്ത് നടക്കാനിരിക്കുന്ന റയലുമായുള്ള എല്‍ ക്ലാസ്സിക്കോ പോരാട്ടത്തിന് ആത്മവിശ്വാസത്തോടെ ഇറങ്ങാന്‍ ബാഴ്‌സയ്ക്ക് ജയം കരുത്താകും. കളിയുടെ 17, 37 മിനുട്ടുകളിലാണ് മെസ്സി വല ചലിപ്പിച്ചത്. ശേഷിച്ച ഗോള്‍ പാക്കോ അല്‍ക്കാസര്‍ നേടി. ഉംറ്റിറ്റി നല്‍കിയ സെല്‍ഫ് ഗോളും സാബി പ്രിയെറ്റോയുടെ ഗോളും സോസിഡഡിന് ആശ്വസമായി. അഞ്ച് ഗോളുകളും ആദ്യ പകുതിയില്‍ തന്നെ പിറന്നു. റയലുമായുള്ള എല്‍ ക്ലാസ്സിക്കോയില്‍ വിജയിച്ചാല്‍ ബാഴ്‌സയ്ക്ക് ഒന്നാം സ്ഥാനത്തേക്ക് കയറാനുള്ള അവസരമുണ്ട്. റയലിന് 75ഉം ബാഴ്‌സയ്ക്ക് 72ഉം പോയിന്റുകള്‍.
മറ്റൊരു മത്സരത്തില്‍ അത്‌ലറ്റിക്കോ മാഡ്രിഡ് 3-0ത്തിന് ഒസാസുനയെ കീഴടക്കി. കാരസ്‌ക്കോ ഇരട്ട ഗോളുകള്‍ നേടി. സെവിയ്യ- വലന്‍സിയ പോരാട്ടം ഗോള്‍രഹിത സമനില.