മുംബൈ: അധോലോക നായകന്‍ ദാവൂദ് ഇബ്്‌റാഹിമിന്റെ ഏറ്റവും അടുത്ത അനുയായികളിലൊരാളായിരുന്ന ഷക്കീല്‍ അഹമ്മദ് ഷെയ്ക് എന്ന ലംബു ഷക്കീല്‍ ദക്ഷിണ മുംബൈയിലെ ജസ്‌ലോക്ക് ആശുപത്രിയില്‍ അന്തരിച്ചു. ഹൃദയാഘാതത്തെ തുടര്‍ന്ന് ഞായറാഴ്ച രാത്രിയാണ് അദ്ദേഹം അന്തരിച്ചത്. ദാവൂദിനു വേണ്ടി വിദേശത്തുനിന്ന് മയക്കുമരുന്നും ഹവാല ഇടപാടിലൂടെ പണവും എത്തിച്ച സംഘത്തിലെ മുഖ്യ കണ്ണിയായിരുന്നു ഷക്കീല്‍. പിന്നീട് ഇയാള്‍ ദാവൂദിനെ വിട്ട് ഛോട്ടാ ഷക്കീലിന്റെ സംഘത്തിലേക്ക് പോയിരുന്നു.