റബാത്: തങ്ങള്‍ക്കെതിരായ സൗഹൃദ മത്സരത്തില്‍ മെസ്സി കളിക്കാത്തതിന്റെ കാരണം തേടി മൊറോക്കോ. മെസ്സിയുടെ അഭാവത്തെ കുറിച്ച് വ്യക്തമായ മറുപടി നല്‍കണമെന്നാവശ്യപ്പെട്ട് അര്‍ജന്റീനന്‍ ഫുട്‌ബോള്‍ അസോസിയേഷനാണ് മൊറോക്കന്‍ ഫുട്‌ബോള്‍ ഫെഡറേഷന്‍ അധികൃതര്‍ കത്ത് കൈമാറിയിട്ടുള്ളത്.

വെനസ്വേലയ്ക്ക് എതിരേ നടന്ന മത്സരത്തില്‍ പരുക്കേറ്റു എന്ന് പറഞ്ഞ് മെസ്സി ക്യാംപ് വിട്ടിരുന്നു. പരുക്കേറ്റ മെസ്സി അടുത്ത മത്സരത്തില്‍ ബാഴ്‌സയ്ക്കായി കളിക്കുമെന്ന് ബാഴ്‌സലോണയും അറിയിച്ചിരുന്നു. ഇതാണ് മൊറോക്കയെ ചൊടിപ്പിച്ചത്. കൂടുതല്‍ ആരാധകരും മെസ്സി കളിക്കാനെത്തും എന്ന പ്രതീക്ഷയിലായിരുന്നു ടിക്കറ്റെടുത്തത്.

മെസ്സിയുടെ അഭാവത്തെ കുറിച്ച് വിശദമായ വിവരം നല്‍കണം എന്നാണ് മൊറോക്കോ ആവശ്യപ്പെട്ടിരിക്കുന്നത്. കരാര്‍ പ്രകാരം തങ്ങള്‍ക്ക് എതിരെ മികച്ച ടീമിനെ അണി നിരത്തും എന്ന് അര്‍ജന്റീന വാക്ക് തന്നതാണ്. അതില്‍നിന്ന് മാറ്റമുണ്ട@ായാല്‍ നടപടി എടുക്കുന്നതിനായി അന്താരാഷ്ട്ര ഫെഡറേഷനെ സമീപിക്കുമെന്നും മൊറോക്കോ പറഞ്ഞു.
ഇന്ന് രാത്രി 12.30 നാണ് മൊറോക്കോയും അര്‍ജന്റീനയും തമ്മുലുള്ള മത്സരം.