മൂവാറ്റുപുഴ: നാടന്‍ കൊയ്ത്ത് പാട്ടിന്റെ താളമേളങ്ങളോടെ തൃക്കളത്തൂര്‍ പാടശേഖരത്ത് കൊയ്ത്തുത്സവം. പായിപ്ര ഗ്രാമപഞ്ചായത്തിലെ തൃക്കളത്തൂര്‍ പാടശേഖരത്ത് നടന്ന കൊയ്ത്തുത്സവത്തിന് ജനപ്രതിനിധികളും കൃഷി വകുപ്പ് ഉദ്യോഗസ്ഥരും നാട്ടുകാരുമെത്തിയതോടെ കൊയ്ത്ത് ഉത്സവം ആഘോഷമായിമാറി.
പായിപ്ര പഞ്ചായത്ത് 20-ാം വാര്‍ഡിലെ അന്നപൂര്‍ണ്ണേശ്വരി ജെ.എല്‍.ജി. വര്‍ക്കിംഗ് ഗ്രൂപ്പിന്റെ നേതൃത്വത്തില്‍ നാല് ഏക്കര്‍ വരുന്ന തൃക്കളത്തൂര്‍ പാടശേഖരത്ത് നെല്‍കൃഷി ഇറക്കിയത്. കൊയ്ത്ത് ഉല്‍സവം എല്‍ദോ എബ്രഹാം എം.എല്‍.എ. ഉദ്ഘാടനം ചെയ്തു. യോഗത്തില്‍ പായിപ്ര ഗ്രാമ പഞ്ചായത്ത് പ്രസിഡന്റ് നൂര്‍ജഹാന്‍ നാസര്‍ അദ്ധ്യക്ഷത വഹിച്ചു.  വൈസ് പ്രസിഡന്റ് മാത്യൂസ് വര്‍ക്കി, ബ്ലോക്ക് പഞ്ചായത്ത് മെമ്പര്‍ പായിപ്ര കൃഷ്ണന്‍, പഞ്ചായത്ത് മെമ്പര്‍മാരായ വി.എച്ച്. ഷഫീഖ്, ആലീസ് കെ ഏലിയാസ്, നസീമ സുനില്‍,കെ.ഇ.ഷിഹാബ്, എം.പി.ഇബ്രാഹിം, അമിന മുഹമ്മദ്, പി.എ. അനില്‍, കൃഷി ഓഫീസര്‍ പി.എന്‍. രാജു, ജെ.എല്‍.ജി. ഗ്രൂപ്പ് അംഗങ്ങള്‍, കുടുംബശ്രീ അംഗങ്ങള്‍ രാഷ്ട്രീയ സമൂഹിക രംഗത്തെ പ്രമുഖര്‍ എന്നിവര്‍ സംമ്പന്ധിച്ചു.