മഞ്ചേരി: നെല്ലിക്കുത്ത് പ്രദേശത്ത് കാക്കാത്തോട്ടില്‍ രാത്രി സമയത്ത് കോഴിമാലിന്യവും കശാപ്പ് മാലിന്യവും നിക്ഷേപിക്കുന്നത് പതിവാകുന്നു. ഇതു മൂലം നാട്ടുകാര്‍ കടുത്ത ദുരിതമനുഭവിക്കുകയാണ്. പല തവണ ഇത് സംബന്ധിച്ച് നാട്ടുകാര്‍ പൊലിസില്‍ പരാതിപ്പെട്ടിട്ടും ഇടപെടലുണ്ടായിട്ടില്ല.
മഴ കനത്തതോടെ ഏതാനും ദിവസങ്ങളായി കാക്കാതോട് പരിസരങ്ങളിലുള്ള വീട്ടുകാര്‍ അസഹ്യമായ ദുര്‍ഗന്ധം മൂലം കടുത്ത വിഷമം അനുഭവിക്കുകയാണ്.
പ്രദേശത്തെ ഡിഫന്റേവ്‌സ് ക്ലബ് പ്രവര്‍ത്തകര്‍ ജില്ലാ കലക്ടര്‍, ജില്ലാ മെഡിക്കല്‍ ഓഫിസര്‍, നഗരസഭാ സെക്രട്ടറി എന്നിവരെ നേരില്‍ കണ്ട് പരാതി സമര്‍പ്പിച്ചിട്ടും ഒരു ഫലവുമുണ്ടായിട്ടില്ല.
ഇരുനൂറോളം പ്ലാസ്റ്റിക് ചാക്കുകളിലായാണ് കോഴി മാലിന്യം കാക്കാത്തോട്ടില്‍ നിക്ഷേപിച്ചിട്ടുള്ളത്.