മലപ്പുറം: രാഷ്ട്രീയ പ്രവര്‍ത്തകര്‍ നന്മയുടെ വാഹകരാകണമെന്നും എങ്കില്‍ മാത്രമേ അവരെ ഓര്‍ക്കാനും സ്മരിക്കാനും ആളുകളുണ്ടാവുകയുള്ളൂവെന്നും മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് പറഞ്ഞു. പൊന്മളയില്‍ മുസ്‌ലിം ലീഗ് നേതാവും മുന്‍ ബ്ലോക്ക് പഞ്ചായത്ത് പ്രസിഡന്റുമായിരുന്ന അന്തരിച്ച ടി.ടി കോയാമു അനുസ്മരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. എ കെ സൈനുദ്ദീന്‍ അധ്യക്ഷനായി.
പൊന്മള അബ്ദുല്‍ ഖാദര്‍ മുസ്‌ലിയാര്‍ അനുസ്മരണ പ്രഭാഷണം നടത്തി. യൂത്ത് ലീഗ് ജില്ലാ വൈസ് പ്രസിഡന്റ് എന്‍.കെ അഫ്‌സല്‍ റഹ്മാന്‍ ആമുഖഭാഷണം നടത്തി. കെ.കെ ആബിദ് ഹുസൈന്‍ തങ്ങള്‍ എം.എല്‍.എ, പി. ഇസ്മാഈല്‍ മാസ്റ്റര്‍, എം.ടി ഷാജഹാന്‍, വി.എ റഹീം, കെ.ടി കരീം ബാഖവി, മണി പൊന്മള, വി. കുഞ്ഞി മുഹമ്മദ്, പി ടി അനസ് മാസ്റ്റര്‍, ടി.ടി മുസ്തഫ സംസാരിച്ചു.