വെള്ളറട: നെല്‍ക്കൃഷിയില്‍ വീട്ടമ്മക്ക് നൂറുമേനി വിളവ്.  വെള്ളറട കളത്താറ പാടശേഖര ഉടമ ഡോളി എന്ന വീട്ടമ്മയാണ്  നെല്‍ക്കൃഷിയില്‍ വിജയം വരിച്ചത്. കൃഷി  ഓഫിസര്‍ രമ്യയുടെ നിര്‍ദ്ദേശം പാലിച്ച് ജൈവവള പ്രയോഗത്തിലൂടെയായിരുന്നു കൃഷി.
അമരവിള കളത്തറക്കല്‍ പാടശേഖരത്തുനിന്നാണ്  ഞാറും തൊഴിലാളികളെയും എത്തിച്ചത്.  ദിവസങ്ങള്‍ക്കു മുന്‍പുണ്ടായ കനത്ത മഴയില്‍  കുറച്ച് നെല്ല് നശിച്ചു പോയെങ്കിലും ഇന്നലെ തന്നെ വിളവെടുപ്പ് നടത്തി. ബ്ലോക്ക് പ്രസിഡന്റ് സുജാത കുമാരി, പഞ്ചായത്ത് പ്രസിഡന്റ് ശോഭകുമാരി, ജില്ലാ പഞ്ചായത്ത് അംഗം വിജിത്ര, കൃഷി ഓഫീസര്‍ രമ്യ എന്നിവര്‍ പങ്കെടുത്തു.