ചെറുതുരുത്തി: മലപ്പുറം തെരഞ്ഞെടുപ്പില്‍ യു.ഡി.എഫിന് ലഭിച്ച ഉജ്ജ്വല വിജയം കേന്ദ്ര - സംസ്ഥാന സര്‍ക്കാരുകള്‍ക്കുള്ള ശക്തമായ തിരിച്ചടിയാണെന്ന് കെ.മുരളീധരന്‍ എം.എല്‍.എ പറഞ്ഞു.
ഒരിടവേള യു.ഡി.എഫിന് നഷ്ടപ്പെട്ടിരുന്ന ന്യൂനപക്ഷ ജനവിഭാഗങ്ങളുടെ പിന്തുണ തിരിച്ച് പിടിക്കാനായത് വലിയ മുന്നേറ്റമാണ്. ബി.ജെ.പി കേരളത്തില്‍ അപ്രസക്തമായെന്നും മുരളി കൂട്ടി ചേര്‍ത്തു. ചേലക്കര കിള്ളിമംഗലം സഹകരണ ബാങ്ക് പാഞ്ഞാളില്‍ ആരംഭിച്ച കെ.കരുണാകരന്‍ സ്മാരക ഹാളിന്റെ ഉദ്ഘാടനം നിര്‍വഹിച്ചതിന് ശേഷം വാര്‍ത്താ ലേഖകരോട് സംസാരിക്കുകയായിരുന്നു മുരളീധരന്‍.