പെരുമ്പാവൂര്‍: ഒക്കല്‍ ഗ്രാമപഞ്ചായത്തില്‍ എസ്.എസ്.എല്‍.സി, പ്ലസ് ടു, മറ്റു മേഖലകളില്‍ കഴിവ് തെളിയിച്ചവരെയും ആദരിച്ചു. പ്രതിഭ സംഗമം ഉദ്ഘാടനം ടെല്‍ക് ചെയര്‍മാന്‍ അഡ്വ. എന്‍.സി. മോഹനന്‍ നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് മേഴ്‌സി ജോര്‍ജ് അധ്യക്ഷത വഹിച്ച ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് മിനി ബാബു മുഖ്യ പ്രഭാഷണം നടത്തി. മറ്റു മേഖലകളില്‍ കഴിവ് തെളിയിച്ചവരെ വൈസ് പ്രസിഡന്റ് ജോസ് വര്‍ഗീസ് മൊമെന്റൊ നല്‍കി ആദരിച്ചു.
സിസിലി ഇയോബ്, സിന്ധു ടീച്ചര്‍, അന്‍വര്‍ മരക്കാര്‍, ഗായത്രി വിനോദ്, ലിസി ലിന്‍സ്, കെ.എന്‍. അനില്‍, അമ്പിളി ജോഷി, കെ.കെ. സന്തോഷ്, രമ ബാബു, മിനി സാജന്‍, പി.എം. ജിനീഷ്, ബിന്‍സി അശോകന്‍, ഫൗസിയ സുലൈമാന്‍, വിലാസിനി സുകുമാരന്‍, സെക്രട്ടറി സുരേഷ് ബാബു എന്നിവര്‍ സംസാരിച്ചു. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ജെസ്സി ഷാജു സ്വാഗതവും മുന്‍ പ്രസിഡന്റ് അന്‍വര്‍ മുണ്ടേത്ത് നന്ദിയും പറഞ്ഞു.