കോഴിക്കോട്: കൊവിഡ് വ്യാപിക്കുന്ന പശ്ചാത്തലത്തില്‍ കോഴിക്കോട്ടും മലപ്പുറത്തും ഹോട്ടലുകള്‍ തിങ്കളാഴ്ച്ച തുറക്കേണ്ടതില്ലെന്ന് ഹോട്ടലുടമകള്‍. ഹോട്ടല്‍ ആന്‍ഡ് റെസ്റ്റൊറന്റ് അസോസിയേഷന്‍ തിങ്കളാഴ്ച ഇക്കാര്യത്തില്‍ തീരുമാനമെടുക്കും.

ജൂലൈ 15 നു ശേഷമായിരിക്കും മലപ്പുറത്ത് ഹോട്ടലുകള്‍ തുറക്കുക. അതേസമയം ഇരു ജില്ലകളിലും പാഴ്‌സല്‍ സര്‍വീസുകള്‍ തുടരും.

തിങ്കളാഴ്ച്ച മുതല്‍ ഹോട്ടലുകള്‍ക്ക് നിയന്ത്രണങ്ങളോടെ തുറന്നു പ്രവര്‍ത്തിക്കാന്‍ സംസ്ഥാന സര്‍ക്കാര്‍ അനുമതി നല്‍കിയിരുന്നു. എന്നാല്‍ കൊവിഡ് വ്യാപനം കൂടിവരുന്ന സാഹചര്യത്തിലാണ് ഇപ്പോള്‍ ഹോട്ടലുകള്‍ തുറന്നുപ്രവര്‍ത്തിക്കേണ്ടതില്ലെന്ന തീരുമാനത്തിലേക്ക് ഉടമകള്‍ എത്തിയത്.