ചണ്ഡീഗഢ്: കബഡി ലോകകപ്പ് നവംബര്‍ മൂന്നു മുതല്‍ പഞ്ചാബില്‍ നടക്കും. സംസ്ഥാനത്തെ 14 വേദികളിലായാണ് മത്സരങ്ങള്‍ നടക്കുക. മത്സരങ്ങള്‍ മൂന്നിന് ആരംഭിച്ച് 17ാം തിയതി അവസാനിക്കുമെന്ന് ഉപമുഖ്യമന്ത്രി സുഖ്ബീര്‍ സിങ് ബാദല്‍ വ്യക്തമാക്കി.
ഉദ്ഘാടന ചടങ്ങ് രൂപ്നഗറിലും സമാപന ചടങ്ങുകള്‍ ജലാലാബാദിലും നടക്കുമെന്ന് അദ്ദേഹം കൂട്ടിച്ചേര്‍ത്തു. ജേതാക്കള്‍ക്ക് രണ്ടു കോടിയും റണ്ണേഴ്‌സ് അപ്പിന് ഒരു കോടിയുമാണ് സമ്മാനത്തുക.