നടുവണ്ണൂര്‍: കോഴിക്കോട് പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ഥി എം.കെ രാഘവന്റെ തെരഞ്ഞെടുപ്പിന്റെ ഒന്നാം ഘട്ട പ്രചാരണം നാളെ ബാലുശ്ശേരി നിയോജക മണ്ഡലത്തില്‍ നടക്കും.
പ്രചാരണ പരിപാടിയുടെ ഉദ്ഘാടനം നാളെ രാവിലെ 9 മണിക്ക് കൂരാച്ചുണ്ടില്‍ മുന്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. തുടര്‍ന്ന് നടുവണ്ണൂര്‍, ഉള്ള്യേരി, അത്തോളി, ബാലുശ്ശേരി, പനങ്ങാട്, ഉണ്ണികുളം എന്നീ പഞ്ചായത്തുകളിലെ സ്വീകരണങ്ങള്‍ക്ക് ശേഷം രാത്രി 9 മണിക്ക് എസ്റ്റേറ്റ് മുക്കില്‍ സമാപിക്കും.
സമാപന സമ്മേളനം മുസ്‌ലിം ലീഗ് സംസ്ഥാന വൈസ് പ്രസിഡന്റ് സി. മോയിന്‍കുട്ടി ഉദ്ഘാടനം ചെയ്യും. സ്വാഗതസംഘം കമ്മിറ്റി യോഗത്തില്‍ ചെയര്‍മാന്‍ ഒ.കെ അമ്മത് അധ്യക്ഷനായി.
നാസര്‍ എസ്റ്റേറ്റ് മുക്ക്, കെ. രാമചന്ദ്രന്‍, കെ.കെ നാരായണന്‍, സി.പി ബഷീര്‍, അഗസ്റ്റ്യന്‍ കാരക്കട, എ.കെ അബ്ദുസമദ്, ശുകൂര്‍ തയ്യില്‍, കെ. അഹമ്മദ് കോയ, സാജിദ് കോറോത്ത്, ഋഷികേഷന്‍, കെ.കെ പരീത്, എം. പോക്കര്‍ കുട്ടി, അബു ഹാജി പാറക്കല്‍, ഹമീദ് ഹാജി പനായി, ചേലേരി മമ്മുക്കുട്ടി, കണ്‍വീനര്‍ കെ. ബാലകൃഷ്ണന്‍ കിടാവ്, വിജീഷ് ബാലുശ്ശേരി എന്നിവര്‍ പ്രസംഗിച്ചു.