നന്തിബസാര്‍: ദേശീയപാത ഇരുപതാം മൈലിലെ വന്‍മരം ഏതുനിമിഷവും നിലംപൊത്തുമെന്ന നിലയില്‍ നില്‍ക്കുമ്പോഴും മുറിച്ചുനീക്കാന്‍ നടപടിയില്ല.
പാതയോരത്ത് മസ്ജിദുന്നൂറിന് മുന്നിലായാണ് വന്‍മരം അപകട ഭീഷണി ഉയര്‍ത്തി നില്‍ക്കുന്നത്. ഇതിന് സമീപത്തായാണ് റേഷന്‍ കടയും മറ്റ് കെട്ടിടങ്ങളും സ്ഥിതി ചെയ്യുന്നത്.
എന്നാല്‍ ഇക്കാര്യം നിരവധി തവണ അധികൃതരുടെ ശ്രദ്ധയില്‍പ്പെടുത്തിയെങ്കിലും മുറിച്ചുനീക്കാന്‍ നടപടികളൊന്നുമെടുത്തില്ലെന്ന് നാട്ടുകാര്‍ പറഞ്ഞു.