ജറുസലേം: ഗസ്സ മുനമ്പില്‍ നടത്തിയ വ്യോമാക്രമണത്തില്‍ ഹമാസിന്റെ വ്യോമസേനാ മേധാവി കൊല്ലപ്പെട്ടെന്ന അവകാശവാദവുമായി ഇസ്‌റാഈല്‍. സെപ്റ്റംബറില്‍ യുദ്ധവിമാനങ്ങള്‍ നടത്തിയ ആക്രമണത്തില്‍ സമീര്‍ അബു ദഖ കൊല്ലപ്പെട്ടെന്നാണ് ഇസ്‌റാഈല്‍ സൈന്യവും ഷിന്‍ ബെറ്റ് ആഭ്യന്തര സുരക്ഷാ ഏജന്‍സിയും സംയുക്ത പ്രസ്താവനയില്‍ അവകാശപ്പെടുന്നത്. സിന്‍ഹുവ വാര്‍ത്താ ഏജന്‍സിയുടേതാണ് റിപ്പോര്‍ട്ട്.