ദുബൈ: പ്രതിഭാശാലികളെ യു.എ.ഇയിലേക്ക് ആകർഷിക്കാൻ രാജ്യം പ്രതിജ്ഞാബദ്ധമാണെന്നും ഇതിനായി ദീർഘകാല വിസകളും പൗരത്വവും നൽകുന്നുണ്ടെന്നും അഡ്വാൻസ്‌ഡ് ടെക്നോളജി റിസർച്ച് കൗൺസിൽ ഡയരക്ടർ ജനറലും യു.എ.ഇ പ്രസിഡന്റിന്റെ ഉപദേഷ്ടാവുമായ ഫൈസൽ അൽ ബന്നായ് പറഞ്ഞു. ദുബൈ വേൾഡ് ട്രേഡ് സെന്ററിൽ നടന്നു വരുന്ന ജൈറ്റക്സ് ഗ്ലോബലിൽ 'നിർമിത ബുദ്ധി സാമൂഹിക പരിവർത്തനത്തി ൻ്റെ നേതൃത്വം' വിഷയത്തിൽ സംസാരിക്കുകയായിരുന്നു അദ്ദേഹം.

 ദുബൈയിലെ ആയിരക്കണക്കിന് പേർക്ക് ഗോൾഡൻ വിസ നൽകിയിട്ടുണ്ടെന്നും രാജ്യം വിജ്ഞാന സമ്പദ് വ്യവസ്ഥയിലേക്ക് നീങ്ങുകയാണെന്നും അദ്ദേഹം പറഞ്ഞു. ആർട്ടി ഫിഷ്യൽ ഇന്റലിജൻസിന്റെ പ്രസക്തി അവഗണിച്ച് മുന്നോട്ട് പോകുക അസാധ്യമാണ്. അടിസ്ഥാന- ആസൂത്രണത്തിലും ആതിഥേയ, വ്യവസായ മേഖലകളിലും എ.ഐ തീരുമാനമെടുക്കുന്ന കാലം വിദൂരമല്ലെന്നും അദ്ദേഹം വിശദീകരിച്ചു. യു.എ.ഇയിലെ എണ്ണയിതര വിഹിതം ഇപ്പോൾ 74 ശതമാനമാണെന്നും 2030ഓടെ ഇത് 80 ശതമാനമായി ഉയരുമെന്നും സാമ്പത്തിക കാര്യമന്ത്രി അബ്ദുള്ള ബിൻ തൗക് അൽ മർറി പറഞ്ഞു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക