കൊച്ചി: സഊദിയില്‍ കുടുങ്ങിക്കിടക്കുന്ന മലയാളികളെ നാട്ടിലെത്തിക്കാന്‍ ഗള്‍ഫ് എയര്‍ ചാര്‍ട്ടേഡ് സര്‍വിസ് നടത്താനൊരുങ്ങുന്നു. ദമ്മാം അന്താരാഷ്ട്ര വിമാനത്താവളത്തില്‍ നിന്ന് കൊച്ചിക്ക് പുറമെ ചെന്നൈ, അഹമ്മദാബാദ്, മംഗളൂരു എന്നിവിടങ്ങളിലേക്കും ബഹ്‌റൈന്‍ വിമാനക്കമ്പനിയായ ഗള്‍ഫ് എയര്‍ സര്‍വിസ് നടത്തും. ഇന്ത്യന്‍ എംബസിയുടെ പിന്തുണയോടെയാണ് സര്‍വിസ് നടത്തുക. കഴിഞ്ഞ ദിവസം ബഹ്‌റൈനില്‍ നിന്ന് രണ്ടു സര്‍വിസുകള്‍ ഗള്‍ഫ് എയര്‍ കൊച്ചിയിലേക്ക് നടത്തിയിരുന്നു.
അതേസമയം, ബഹ്‌റൈന്‍ കേരളസമാജം 10 ചാര്‍ട്ടേഡ് വിമാനങ്ങള്‍കൂടി കേരളത്തിലേക്ക് അയക്കാനുള്ള ശ്രമം നടത്തുന്നുണ്ട്. ഇതിനായി ടിക്കറ്റ് ബുക്കിങ്ങും ആരംഭിച്ചു.