മലപ്പുറം: സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മിറ്റിയുടെ കീഴില്‍ ജില്ലയിലെ 69 റെയ്ഞ്ചുകളില്‍ നടപ്പാക്കുന്ന പൂര്‍വ വിദ്യാര്‍ഥി പഠന കേന്ദ്രങ്ങളുടെ കൊളത്തൂര്‍ മേഖലാതല ഉദ്ഘാടനം കോഡൂര്‍ ഒറ്റത്തറ താജുല്‍ ഉലൂം മദ്‌റസയില്‍ പാണക്കാട് സയ്യിദ് നിയാസലി ശിഹാബ് തങ്ങള്‍ നിര്‍വഹിച്ചു.
റെയ്ഞ്ച് പ്രസിഡന്റ് അബ്ദുല്ല ത്തീഫ് ഫൈസി അധ്യക്ഷനായി. എസ്.കെ.ജെ.എം.സി.സി സെക്രട്ടറി കെ.ടി ഹുസൈന്‍ കുട്ടി മുസ്‌ലിയാര്‍, മേഖലാ സെക്രട്ടറി അബ്ദുന്നാസര്‍ ഫൈസി പാങ്ങ്, നൗഫല്‍ ദാരിമി, മുജീബ് മിസ്ബാഹി, വാര്‍ഡ് അംഗം മച്ചിങ്ങല്‍ മുഹമ്മദ്, സൈതലവി മാസ്റ്റര്‍ പാട്ടുപാറ, ഹസൈന്‍ മണി പറമ്പത്ത്, ഹംസക്കുട്ടി ഉമ്മത്തൂര്‍ സംസാരിച്ചു.