വെള്ളിക്കുളങ്ങര: അഞ്ച് ലിറ്റര്‍ വിദേശമദ്യവുമായി സ്വകാര്യ ബസിലെ കണ്ടക്ടര്‍ വെള്ളിക്കുളങ്ങര പൊലിസിന്റെ പിടിയിലായി. ചാലക്കുടി രണ്ടുകൈ റൂട്ടില്‍ ഓടുന്ന അന്നറോസ് ബസിലെ കണ്ടക്ടര്‍ രണ്ടുകൈ കണിയാംപറമ്പില്‍ വീട്ടില്‍ വിനായകനെ(36) യാണ് വെള്ളിക്കുളങ്ങര പൊലിസ് അറസ്റ്റ് ചെയ്തത്.
രഹസ്യ വിവരമനുസരിച്ച് പൊലിസ് വെള്ളിക്കുളങ്ങര ബസ് സ്റ്റാന്‍ഡില്‍ തിങ്കളാഴ്ച വൈകിട്ട് നാലരയോടെ നടത്തിയ വാഹന പരിശോധനയിലാണ് ഇയാള്‍ പിടിയിലായത്.
ചാലക്കുടി ഡിവൈ.എസ്.പി ലാല്‍ജിയുടെ പ്രത്യേക നിര്‍ദേശ പ്രകാരം വെള്ളിക്കുളങ്ങര സര്‍ക്കിള്‍ ഇന്‍സ്‌പെക്ടര്‍ പി.വി ലൈജുമോന്‍, എസ്.ഐ.എസ് എസ്. ഷിജു, സ്‌പെഷല്‍ ബ്രാഞ്ച് ഉദ്യോഗസ്ഥന്‍ കെ.ബി സതീഷ്, സീനിയര്‍ സിവില്‍ പൊലിസ് ഓഫിസര്‍ വെല്‍സ് ജോഷി, പൊലിസുകാരായ കെ.ഒ വിത്സന്‍, പി.ബി ഷബിനു പള്ളത്തേരി, പി.കെ ദീപക്ക് എന്നിവരാണ് പ്രതിയെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.