ചവറ: ഖാദി തൊഴിലാളികളുടെ 2016-17ലെ മിനിമം കൂലി വിതരണം ചെയ്തു. തേവലക്കരയില്‍ പ്രവര്‍ത്തിക്കുന്ന ചവറ ബ്ലോക്ക് ഖാദി കോ ഓപ്പറേറ്റീവ് സൊസൈറ്റിയുടെ തൊഴിലാളികള്‍ക്കാണ് തുക വിതരണം ചെയ്തത്. ഓഫിസില്‍ വച്ച് നടന്ന പരിപാടിയില്‍ ജില്ലാ ഖാദി പ്രോജക്ട് ഓഫിസര്‍ അനുമോദ് വിതരണോദ്ഘാടനം നടത്തി. തുടര്‍ന്ന് നടന്ന യോഗത്തില്‍ സീനിയര്‍ സൂപ്രണ്ടന്റ് അബ്ദുല്‍ നാസര്‍, തേവലക്കര ഖാദി സൊസൈറ്റി മാനേജര്‍ ഇന്‍ ചാര്‍ജ്ജ് അശോക പണിയ്ക്കര്‍, ഗോഡ് വിന്‍ എന്നിവര്‍ സംസാരിച്ചു.