മലപ്പുറം: എസ്.കെ.എസ്.എസ്.എഫ് ജില്ലാ വിഖായ ലീഡേഴ്‌സ് ട്രെയ്‌നിങ് ക്യാംപ് 28ന് മലപ്പുറത്ത് നടക്കും. ജില്ലാ ഭാരവാഹികളും മേഖലകളില്‍ നിന്നു 11 അംഗ സമിതികളും  പ്രതിനിധികളായി പങ്കെടുക്കും. ക്യാംപിനോടനുബന്ധിച്ച്  കൊണ്ടോട്ടി, കുറ്റിപ്പുറം, കോട്ടക്കല്‍, നിലമ്പൂര്‍, തിരൂര്‍, തിരൂരങ്ങാടി, മഞ്ചേരി, പെരിന്തല്‍മണ്ണ ഏരിയാ തല പ്രചാരണയോഗം നടത്തും.  ലഹരി വിരുദ്ധ പ്രവര്‍ത്തനവും മെസഞ്ചര്‍ ടീമും ജില്ലയില്‍ സജീവമാക്കും.
 ചീഫ് കോഡിനേറ്ററായി ഉമറലി ശിഹാബ് വാഴക്കാടിനെയും വൈസ് ചെയര്‍മാനായി റാഫി എടക്കരയെയും ജോയിന്റ് കണ്‍വീനറായി നവാസ് കളിയാട്ടുമുക്കിനെയും തെരഞ്ഞെടുത്തു. യോഗം ഉമറുല്‍ ഫാറൂഖ് കരിപ്പൂര്‍ ഉദ്ഘാടനം ചെയ്തു. അസ്‌കര്‍ ദാരിമി, സല്‍മാന്‍ ഫൈസി, ഉമറലി ശിഹാബ്, റാഫി എടക്കര, നവാസ് കളിയാട്ടുമുക്ക് സംസാരിച്ചു.