റിയാദ്: സഊദിയിൽ വീണ്ടും പുതിയ വൈറസ് ബാധയും മരണ നിറയ്ക്കും ഉയരുന്നു. കഴിഞ്ഞ 24 മണിക്കൂറിനിടെ വൈറസ് ബാധയേറ്റു 36 പേർ മരണപ്പെട്ടതിനു പുറമെ 3717 പേർക്ക് പുതുതായി വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. രാജ്യത്ത് ഒറ്റ ദിവസം കണ്ടെത്തിയ ഏറ്റവും ഉയർന്ന വൈറസ് ബാധ നിരക്കാണിത്. ഇന്ന് 1615 രോഗികളാണ് രോഗ മുക്തി നേടിയത്. 1693 രോഗികൾ അതീവ ഗുരുതരാവസ്ഥയിലുമാണ്.

   ഇതോടെ രാജ്യത്തെ വൈറസ് ബാധയേറ്റുള്ള മരണം 819 ആയും വൈറസ് ബാധിതർ 112288 ആയും ഉയർന്നിട്ടുണ്ട്. ഇന്ന് 1615 രോഗികൾ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 77954 ആയും ഉയർന്നു.

#الصحة⁩ تعلن عن تسجيل (3717) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (36) حالات وفيات رحمهم الله، وتسجيل (1615) حالة تعافي ليصبح إجمالي عدد الحالات المتعافية (77,954) حالة ولله الحمد. pic.twitter.com/2TuIL7VUmY

— و ز ا ر ة ا لـ صـ حـ ة السعودية (@SaudiMOH) June 10, 2020

   ആയിരത്തിലധികം വൈറസ് ബാധയാണ് തലസ്ഥാന നഗരിയായ റിയാദിൽ ഒറ്റ ദിവസം സ്ഥിരീകരിച്ചത്. റിയാദ് 1317, ജിദ്ദ 460, ഹുഫൂഫ് 194, ദമാം 189, ഖത്വീഫ് 157, മക്ക 140, മദീന, ത്വായിഫ് 127 വീതം, ഖോബാർ 103, ദിരിയ 63, മുസാഹ്മിയ 55, ദഹ്‌റാൻ 52, അബഹ 50, മുബാറസ് 47, ഹായിൽ 42, ജുബൈൽ 41, വാദി അൽ ദവാസിർ 34, ഉയൂൻ, സ്വഫ്‌വ 33 വീതം,ബുറൈദ 31, അൽ ഖർജ് 28, യാമ്പു 24, ഹോത്താ ബനീ തമീം 23, റാസ്‌ തന്നൂറ, ബൈഷ് 21 വീതം, ജസാൻ 20, നജ്‌റാൻ, തബൂക് 17 വീതം, ഖമീസ് മുശൈത്, വാദി ബിൻ ഹഷ്‌ബൽ 16 വീതം, അഹദ് റുഫൈദ 15, അൽ സുലൈൽ 11, അൽ ജഫർ, സ്വബിയ 10 വീതം. പത്തിലധികം വൈറസ് ബാധ കണ്ടെത്തിയ സ്ഥലങ്ങൾ ഇവയാണ്. കൂടാതെ മറ്റു 65 മറ്റു നഗരങ്ങളിലും പത്തിൽ താഴെ വൈറസ് ബാധ കണ്ടെത്തിയിട്ടുണ്ട്. 

    ഇന്ന് 22,139 രോഗ പരിശോധന പൂർത്തിയാക്കി. ഇതിനകം 1,019,812 ടെസ്റ്റുകളാണ് രാജ്യത്താകമാനും ആകെ നടത്തിയത്. ഇന്നത്തെ റിപ്പോർട്ടിൽ മാത്രം 12 രോഗികളാണ് അതീവ ഗുരുതരാവസ്ഥയിൽ കഴിയുന്നത്. രാജ്യത്താകമാനം നിലവിൽ 1,693 രോഗികളാണ് ഗുരുതരാവസ്ഥയിലുള്ളത്. രാജ്യത്തെ 180 സിറ്റികളിൽ രോഗ ബാധ സ്ഥിരീകരിച്ചിട്ടുണ്ട്.