പത്തനാപുരം (കൊല്ലം): പത്തനാപുരത്ത് പന്നിപ്പടക്കം ഉപയോഗിച്ച് കാട്ടാനയെ കൊന്ന സംഭവത്തില്‍ മൂന്നുപേര്‍ പിടിയില്‍. രണ്ടുപേരെ പിടികൂടാനുണ്ട്.

പാടം ഇരുട്ടുത്തറ പറങ്കാംവിള വീട്ടില്‍ പൊടിമോന്‍ എന്ന് വിളിക്കുന്ന അനിമോന്‍ (39), കിഴക്കേതില്‍ വീട്ടില്‍ ശരത് (24), പാടം നിരത്തുപാറ വീട്ടില്‍ രഞ്ജിത്ത് (26) എന്നിവരാണ് പിടിയിലായത്. കൂട്ടുപ്രതികളായ രാജേഷ്, രാധാകൃഷ്ണന്‍ എന്നിവരാണ് പിടിയിലാകാനുള്ളത്. 

പ്രതികളില്‍ നിന്ന് നാടന്‍ തോക്കും ആയുധങ്ങളും പിടികൂടി. കഴിഞ്ഞ ഏപ്രില്‍ 11നാണ് അമ്പനാര്‍ വനത്തില്‍ പത്ത് വയസ് പ്രായമുള്ള പിടിയാനയെ അവശനിലയില്‍ കണ്ടെത്തിയത്. 

ആനയുടെ നാവ് രണ്ടായി പിളര്‍ന്ന നിലയിലായിരുന്നു. തുടര്‍ന്ന് ആന ചരിയുകയായിരുന്നു.