ഗുവാഹത്തി: അസമിലെ തിന്‍സുകിയയില്‍ എണ്ണക്കിണറില്‍നിന്നു പുക ഉയരുന്നത് നിയന്ത്രിക്കാനെത്തിയ രണ്ട് ഫയര്‍ഫോഴ്‌സ് ഉദ്യോഗസ്ഥരെ മരിച്ചനിലയില്‍ കണ്ടെത്തി. ഇവിടെ ഓയില്‍ ഇന്ത്യയുടെ ഉടമസ്ഥതയിലുള്ള സ്ഥാപനത്തില്‍ ദിവസങ്ങളായി ചോര്‍ച്ച റിപ്പോര്‍ട്ട് ചെയ്തതിനെ തുടര്‍ന്ന് വിദഗ്ധര്‍ സ്ഥലത്തെത്തിയിരുന്നു. 14 ദിവസമായി ചോര്‍ച്ച റിപ്പോര്‍ട്ട് ചെയ്യുന്ന ഇവിടെ തീപിടിത്തവും പുകയും ഉണ്ടായതിനെ തുടര്‍ന്ന് രക്ഷാപ്രവര്‍ത്തനത്തിനെത്തിയ രണ്ട് ഉദ്യോഗസ്ഥരെ ഡ്യൂട്ടിക്കിടെ കാണാതായിരുന്നു. ഇന്നലെയാണ് ഇവരെ മരിച്ച നിലയില്‍ കണ്ടെത്തിയത്.വെള്ളത്തില്‍ മുങ്ങിയാണ് ഇവരുടെ മരണമെന്നാണ് പ്രാഥമിക നിഗമനം.