വാഷിങ്ടണ്‍: ഇന്ത്യ ചരിത്രപരമായി എല്ലാ മതങ്ങളെയും ബഹുമാനിക്കുകയും സഹിഷ്ണുത കാണിക്കുകയും ചെയ്യുന്നുണ്ടെങ്കിലും നിലവില്‍ രാജ്യത്ത് മതസ്വാതന്ത്ര്യം ഹനിക്കപ്പെടുന്നതില്‍ അതിയായ ആശങ്കയുണ്ടെന്ന് ട്രംപ് ഭരണകൂടത്തിലെ ഉയര്‍ന്ന ഉദ്യോഗസ്ഥന്‍. അന്താരാഷ്ട്ര മത സ്വാതന്ത്ര്യവിഭാഗം അംബാസഡറായ സാമുവല്‍ ബ്രൗണ്‍ബാക് തയാറാക്കിയ റിപ്പോര്‍ട്ടിലാണ് ഇന്ത്യയില്‍ ന്യൂന പക്ഷ വിഭാഗങ്ങള്‍ക്കു നേരെ നടക്കുന്ന അക്രമങ്ങളില്‍ ആശങ്ക രേഖപ്പെടുത്തുന്നത്. രാജ്യത്ത് ന്യൂനപക്ഷങ്ങളുടെ അവകാശങ്ങള്‍ സംരക്ഷിക്കപ്പെടുന്നുണ്ടെന്ന് ഉറപ്പുവരുത്തണമെന്നും റിപ്പോര്‍ട്ടില്‍ നിര്‍ദേശിക്കുന്നു. 

ലോകരാജ്യങ്ങളിലെ മതസ്വാതന്ത്ര്യത്തിന് വെല്ലുവിളിയായ പ്രശ്‌നങ്ങളെക്കുറിച്ചുള്ള വാര്‍ഷിക റിപ്പോര്‍ട്ടിലാണ് ഈ പരാമര്‍ശം.