ചീമേനി: ഉത്തര കേരളത്തിലെ അറിയപ്പെട്ട ആത്മീയകേന്ദ്രമായ മുത്തുപ്പാറ മഖാം ഉറൂസിനു 21നു തുടക്കമാകും. രാവിലെ ഒന്‍പതിന് ഉറൂസ് കമ്മിറ്റി ചെയര്‍മാന്‍ ബഷീര്‍ മുസ്‌ലിയാര്‍ പതാക ഉയര്‍ത്തും. ജുമുഅ നിസ്‌ക്കാരാനന്തരം നടക്കുന്ന ഖത്മുല്‍ ഖുര്‍ആന്‍ മജിലിസിന് അബ്ദുല്‍ മജീദ് മുസ്‌ലിയാര്‍ നേതൃത്വം നല്‍കും.
രാത്രി ഏഴിന് ഉദ്ഘാടന സമ്മേളനം നടക്കും. പെരുമ്പട്ട റെയ്ഞ്ച് പ്രസിഡന്റ് മുഹമ്മദ് ഹനീഫ് ഫൈസി ഉദ്ഘാടനം ചെയ്യും. ടി.പി അബ്ദുല്‍ സലാം ഹാജി അധ്യക്ഷനാകും. ശിഹാബുദ്ദീന്‍ ഫൈസി ആമത്തല മുഖ്യപ്രഭാഷണം നടത്തും. രണ്ടാം ദിവസം കാസര്‍കോട് സി.ഐ സുധാകരന്‍ ഉദ്ഘാടനം ചെയ്യും. ശിഹാബുദ്ദീന്‍ ബാഖവി കാക്കടവ് പ്രഭാഷണം നടത്തും. മൂന്നാം ദിവസം അബ്ദുല്‍ മജീദ് ഫൈസി ഉല്‍ഘാടനം ചെയ്യും. മുഹമ്മദ് ഹനീഫ് ഫൈസി എടപ്പലം പ്രഭാഷണം നടത്തും.
27നു രാത്രി ഏഴിനു മഖാം പരിസരത്ത് നടക്കുന്ന മജ്‌ലിസുന്നൂറിന് കെ.പി അബൂബക്കര്‍ ബാഖവി നേതൃത്വം നല്‍കും. ജാബിര്‍ ഹുദവി, ഖാസിം ഫൈസി, ലുഖ്മാന്‍ അസ്അദി, ശാക്കിര്‍ ദാരിമി, ജുബൈര്‍ അസ്ഹരി, റാഷിദ് ഫൈസി, മഹറൂഫ് ഹൈതമി, റാഷിദ് അസ്ഹരി, ഉമര്‍ മൗലവി, സലാഹുദ്ദീന്‍ മൗലവി, നൗഷാദ് ദാരിമി, ഹാരിസ് ദാരിമി, ഹംസ മൗലവി സംബന്ധിക്കും.
25നു രാവിലെ 10നു നടക്കുന്ന മൗലീദ് പാരായണത്തിനും കൂട്ടുപ്രാര്‍ഥനക്കും അല്‍മശ്ഹൂര്‍ സയ്യിദ് ഉമര്‍ കോയ തങ്ങള്‍ നേതൃത്വം നല്‍കും. തുടര്‍ന്ന് അന്നദാനത്തോടെ ഉറൂസിന് സമാപനമാകും.