കണ്ണൂര്‍: തീവ്രവാദ സംഘടനകളെ പടിക്കുപുറത്തു നിര്‍ത്താന്‍ യുവാക്കള്‍ മുന്നിട്ടിറങ്ങണമെന്നു മുസ്‌ലിം യൂത്ത് ലീഗ് സംസ്ഥാന ജനറല്‍സെക്രട്ടറി പി.കെ ഫിറോസ്. യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവറലി ശിഹാബ് തങ്ങള്‍ നയിക്കുന്ന യുവജന യാത്രയുടെ ഭാഗമായി ഒരുക്കുന്ന വൈറ്റ് ഗാര്‍ഡ് അംഗങ്ങളുടെ തെരഞ്ഞെടുപ്പും അനുബന്ധ കാര്യങ്ങളും ചര്‍ച്ച ചെയ്യുന്നതിനായി നടക്കുന്ന വൈറ്റ് ഗാര്‍ഡ് ലീഡേഴ്‌സ് മീറ്റിന്റെ കണ്ണൂര്‍, കാസര്‍കോട് മേഖലാ യോഗങ്ങള്‍ ഉദ്ഘാടനം ചെയ്യുകയായിരുന്നു അദ്ദേഹം.
വൈറ്റ് ഗാര്‍ഡ് അംഗങ്ങളുടെ തെരെഞ്ഞെടുപ്പ് ജൂലൈ 20നകം പൂര്‍ത്തിയാക്കും. സംസ്ഥാന സീനിയര്‍ വൈസ് പ്രസിഡന്റ് നജീബ് കാന്തപുരം അധ്യക്ഷനായി. യൂത്ത് ലീഗ് സംസ്ഥാന സെക്രട്ടറി വി.വി മുഹമ്മദലി, ജില്ലാ പ്രസിഡന്റ് പി.വി ഇബ്രാഹിം, ലീഗ് ജില്ലാ സെക്രട്ടറി കെ.പി താഹിര്‍, സമീര്‍ പറമ്പത്ത്, നാസര്‍ ചായിന്റടി, കെ.കെ ബദറുദീന്‍, എ.കെ.എം അഷറഫ് സംസാരിച്ചു.